Wangsit Siliwangi

Baheula kacapangan
Jaman ngadeg galuh pakuan
Nu kamashur Pajajaran
Tempat payung kaadilan
Ayeuna dikondangan
Numpes nu mawa paesan
Nyukcruk galur cacandran
Siliwangi pupuhuna
Kapahlawanan
Juru bakti perjuangan
Lambang kajayaan
Tepung kana perjuangan
Kiwari geus gumelar
Putra ti Pajajaran anyar
Wawangina sumebar
Sajagat raya kawentar
Ampuh simpuh tur sabar
Ksatriaan binekar
Siliwangi ginanjar
Seungit nyambuang kamashur
Wangsit mitutur
Nepungkeun asma nu luhur
Wawanenna ka ukur
Numpes ka jalan takabur