Wuyung Gandrung

Aya naon di salira
Hoyong teh nepangan bae
Aya naon di salira
Kasono taya kendatna
Aya naon di salira
Mun tepang geumpeur rasana
Aya naon di salira
Rek naros sesah kedalna
Da eta imut ngukuntit bae
Da eta teuteup karaos ngan neuteup bae
Da eta deudeuh ngusapan bae
Da eta hate cumantel bae
Wuyung gandrung
Hoyong tepung
Wuyung gandrung
Hoyong sing geura kasorang hoyong sing geura kabandang

Longkewang

Baheula mun pareng nganjang
Suguhna imut nyi lanjang
Asih nu nganteur harepan
Pasini na kasadrahan
Baheula mun pareng nganjang
Suguhna imut nyi lanjang
Asih nu nganteur harepan
Pasini na kasadrahan
Emh deudeuh teuing na peuting heab naraka
Aya nyawa milar raga bebene mulang tiheula bebene mulang tiheula
Emh deudeuh teuing na peuting hujan cimata
Aya waruga palastra jajaka raheut hatena jajaka raheut hatena
Ayeuna mun pareng nganjang nu tembong ukur kalangkang
Mega mendung na jajantung lagu liwung na bangbarung
Ayeuna mun pareng nganjang nu tembong ukur kalangkang
Mega mendung na jajantung lagu liwung na bangbarung lagu liwung na bangbarung

Kuring Leungiteun

Leungiteun kuring leungiteun
Dikamanakeun ieuh dikamanakeun
Genclang herang cikahuripan di leuwi sipatahunan
Direka na papantunan kiwari ngan kari ngaran
Leungiteun kuring leungiteun
Dikamanakeun ieuh dikamanakeun
Dongeng endah katumbiri taraje dilangit nu asri
Widadari turun mandi lumungsur ti kahyangan
Gusti rumasa diri gagabah
Ngagadabah alam endah kagungan gusti
Gusti kiwari gunung bulistir
Nu tinggal caah jeung banjir ampun gusti ampun

Tamperan Kaheman

Bibit bibit asih
Ku patepang unggal dinten janten tamperan kaheman
Kawit kawitna biasa
Ka eunteupan rasa era teu daya pasampeuk soca
Teu karaos janten galecok sorangan
Teu karaos janten ngumbar pangharepan
Saupami ieu hate tos sarua
Kunaon urang teu betus balaka
Najan rikip dipindingan
Cinta mah tetep nembongan
Saupami mending nembrak sakalian
Da kanyaah tos puguh pikeun eunteupna

Bulan Dagoan

Bulan bulan kuring tulungan
Nepikeun raga katineung bulan raga katineung
Pangbejakeun kuring wuyung
Keur bingung puyang payengan
Duh bulan kuring tulungan
Pangnepikeun ieu lagu
Duh bulan kuring tulungan
Pangnepikeun ieu lagu
Bulan bulan kuring dagoan
Entong gancang-gancang mulang bulan tong gancang mulang
Ieu kuring cuang-cieung
Ka saha ku kuring midangdam
Duh bulan tong rusuh mulang
Ieu kuring cuang-cieung
Duh bulan tong rusuh mulang
Ieu kuring cuang-cieung ngan sorangan
Bulan bulan kuring tulungan
Nepikeun raga katineung bulan raga katineung
Pangbejakeun kuring wuyung
Keur bingung puyang payengan
Duh bulan kuring tulungan
Pangnepikeun ieu lagu
Duh bulan kuring tulungan
Pangnepikeun ieu lagu
Bulan bulan kuring dagoan
Entong gancang-gancang mulang bulan tong gancang mulang
Ieu kuring cuang-cieung
Ka saha ku kuring midangdam

Badminton

Badminton dimana-mana (badminton dimana-mana)
Di kampung jeung di kota (dikampung-kampung dikota)
Badminton jeung suka-suka (badminton jeung suka-suka)
Ngalipur manah brangta (BADMINTON)
Dismes bari ngajungkung
Dikap reket nyangigir
Dilob apung-apungan
Bekhen ti beulah kenca
Dismes kana net nyangsang
Dikap bulu kok coplok
Dilob kaluar aut
Lenspel ulin leutik keketrekan
Ngulangkeun reket diatur (ngulangkeun reket diatut)
Tingkahna maju mundur (uclag-aclog maju mundur)
Latihan ngarih di dapur (latihan ngarih di dapur)
Sareng ngagebug kasur (BADMINTON)
Dismes bari ngajungkung
Dikap reket nyangigir
Dilob apung-apungan
Bekhen ti beulah kenca
Sang kok kana net nyangsang
Long kok kahandapeun net
Teng kok kok kana kenteng
Rang kok kok disemes kana tarang
Badminton teh kaulinan (badminton teh kaulinan)
Nimbulkeun kasehatan (ngahudangkeun kasehatan)
Sehat badan jeung pikiran (sehat badan jeung pikiran)
Guna keur pembangunan (BADMINTON)
Dismes bari ngajungkung
Dikap reket nyangigir
Dilob apung-apungan
Bek hen ti beulah kenca
Euweuh kok ku bulu entog
Reket panggebug kasur
Tempat di kebon awi
Netna samping kebat tutumbuan

Jalir

Tuh panonpoe saksina
Jeung alam katut eusina
Malah bentang anu peuting
Baranang gigireun bulan
Pada milu mencrong melong
Kabeh pada nyaraksian
Pada milu mencrong melong
Kabeh pada nyaraksian duh gusti pada nyaksian
Basa manehna keur wakca
Ngedalkeun eusi hatena
Kuring kapaksa percaya
Masrahkeun raga jeung nyawa aduh
Hate katut jeung eusina
Walungan jadi saksina
Hate katut jeung eusina
Walungan jadi saksina

Hiji Catetan

Geus lawas carita urang duaan
Anu munggaran nyicikeun asih kamelang
Teu laas sanajan pada nyorangan
Kedalna lisan satia rek babarengan
Harepan ngayunkeun ka mega malang
Rek mipit bentang laksana nganjang ka bulan
Mekarna kembang endah pangharepan
Ngotret ingetan mukakaeun hiji catetan
Tapi kiwari ngan kuring anu ngageuri
Cuang cieung ngan sorangan
Honcewang hate baluweng
Nu miasih dipeupeurih
Nu mitineung ditinggalkeun
Teu sangka ku jalir jangji
Ku harianeun

Neundeun Harepan

Mun peuting geus jempling
Mikaeling ku hariring
Midangdam nu saurang
Bongan anggang
Harita nyanggupan
Di taun genep puluhan
Ayeuna bet nyalahan
Kajongjonan
Geus ingetan
Kumaha neundeun harepan
Ayeuna geus lekasan
Nu aya ukur catetan
Najan kapegat carita
Manusa ku kawasa
Moal bisa laksana
Anging kersa anjeuna

Tembang Kasmaran

Ligar insani titis kaheman
Putih malati asih sungkeman
Arum kalbu ngawangian sanubari
Angin nebar dalingdingan alam nyaksi pasinina
Lambey kayas meundeut renghap sakedapan
Simpe ngawirahma geter pamirigna
Kantun lagu panutan
Nu mukakeun lawang tineung
Nu ngusik lalakon urang
Kantun imut panutan
Nu ngajak mulang lalakon
Nu ngeundeuk lenyap katresna
Muka lambaran geter kasmaran
Asa duaan tembong deui paguneman
Muka lambaran geter kasmaran
Tineung marengan jeung lelenyapan
Moal hilap kana rupining kaheman
Aya salam aya salam
Salam manis tikatebihan

Bangbara

Katresnan deudeuh nu maneuh
Teu luntur kungsi pasini pajauh
Katresnan deudeuh nu maneuh
Nu waas nyorang papisah papisah
Gumebyar caangna bulan
Kungsi kahalangan mega duh
Asih jatining wanci
Tutulisan nu pinasti
Bangbara leungiteun kembang
Karungkupan dangdaunan
Bangbara duh bangbara
Urang sieun katalimbeng
Bangbara leungit teu pamit
Nu ilang geusan pamuntangan
Nu ngancikan nitis asih
Ditaman langgeng kaheman

Asih Abadi

Sajuringkang lemah putih
Tatapakan meureut getih
Nyadidieu awor asih
Neundeun harepan
Nyengcem angkeuhan
Dina galindengna kawih
Asih tumekaning batin
Nyaah tinandonan nyawa
Demi lautan katut ombakna
Demi daratan katut gunungna
Ditapel wates ngajega
Ngajangan jati waruga

Peuting Nu Urang

Peuting ieu enung peuting nu urang
Sepi jempling taya suara hariring matak hariwang
Alam endah disanding bulan purmana bulan purmana
Simpe jempe matak betah ngumbara dipawenangan dipawenangan
Peuting eta enung kuring kapahung
Sasar lampah henteu puguh nu dijugjud ilang tujuan
Natar ngidul milang imah ngitung lembur nyileuk katukang
Malik ngaler mapay tapak jog anjog ka gedong kosong nu poek mongkleng
Peuting nu urang harita datang
Ukur nembongan reup sakiceup geus euweuh
Peuting nu urang peuting impian
Inditna bareng jeung inditna cahaya

Puspita

Puspita teh kembang
Nu asri dalingding siang
Puspita teh lambang
Nu mangkak ligar dina hate urang
Puspita teh cinta
Nurandakan ku kanyaah
Puspita mustika
Nu medal tina acining kaheman
Waktos ka ambung dina tembang
Wawangina sumerepna lelembutan
Harita aya geter waktos damis kagaris
Siap pameunteu nu kapireung wuwug manis
Dina kembang dilambangkeun cinta urang
Dina lagu dipantengkeun asih urang
Puspita... lagu kalbu
Pujaan satiap waktu keur urang