Kembang Impian

Antara lolongkrang kiceup
Urang pateuteup
Bulan pias
Eunteupna lalangse kayas
Kaca jandela nu muka
Kaca katresna nu muka
Peuting teh teuing ku jempling
Asih teh teuing ku wening
Pangharepan lir laut nu jero
Teu katepi ku sora panggero
Urang teuleuman ku geter deudeuh duaan
Urang tataran ku karep jeung pangharepan
Tong teuing ngedalkeun lisan
Urang guneman
Na ciptaan
Bagja pikeun patembongan
Geter ti ati ka ati
Iber jadina pasini
Saranggeuy kembang impian
Sungkemeun kana lahunan