Bulan Langlayangan Peuting

Bulan teh langlayangan peuting enung
Nu ditatar dipulut ku tali ghaib
Entong salempang mun kuring miang ditatar ditatar sunda
Dipulut nya balik deui kadieu ieung masing percaya
Bulan teh langlayangan peuting enung
Nu ditatar dipulut ku tali ghaib
Entong salempang mun kuring miang ditatar ditatar sunda
Dipulut nya balik deui kadieu ieung masing percaya
Bedil geus dipeloran
Granat geus disorendang
Ieu kuring arek miang jeung pasukan Siliwangi
Ka Yogya hijrah taat parentah
Bedil geus dipeloran
Granat geus disorendang
Ieu kuring arek miang jeung pasukan Siliwangi
Ka Yogya hijrah taat parentah

Biru

Biru teh warna kameumeut
Pulas kangen nulis bathin
Biru teh rasa kageugeut
Sulur getering duriat
Sapertos biru na langit nya enung
Teuteup amparan harepan kabagjan nembongan
Sapertos biru na laut nya enung
Liuh galuraning asih liah sesetraning manah deudeuh
Biiiiiiruu pamidangan bulan bentang
Pakalangan beurang peuting
Biiiiiiruu kangen urang rasa urang
Jadilambang kateguhan anu wening
Sapertos galura cinta nya enung
Biru teh anteb mamanis kasmaran romantis
Sapertos galindeng tembang nya enung
Biru teh hariring tembang sungkeman sanghiang tineung

Anggrek Bulan

Kembang anggrek bulan
Bodas nyacas hate na rangkulan
Kembang anggrek bulan
Ligar manggkak dina tatangkalan
Kembang anggrek bulan
Kaendahan keur di patamanan
Basa kuring nyawang
Hiji kembang bangun nu ngiceupan
Samar-samar eta mah ukur impian
Basa kuring keur nyawang ti kaanggangan
Anggrek bulan nu ngancik dina impian
Hate kuring nyawang kanu keur paanggang

Maha Suci Allah

Pek ucapkeun asma na Allah
Maha tunggal dzatna numurkeun alam
Nu teu kantos ngayugakeun katurunan
Nu teu dilahirkeun tur taya bandingna
Nu maha suci Allah Subhanallah
Nu maha agung Allah Allahu Akbar
Nyandarkeun diri mung ka gusti
Sumujud tong baha tumetep istiqomah

Girimis Ka Sorenakeun

Girimis ka sorenakeun
Ngeunteungan ewu katineung
Katumbiri payung langit awor jeung cipanon ngeumbeuh
Awor jeung cipanon ngeumbeuh
Ngalangkang galeuh lamunan
Ngaliwung kalbu nu liwung
Naon deui nu rek didagoan
Duh kabeh geus mungkas adegan
Geus tamat lalakon leungiteun udagan
Mungkas mangsa pikeun muja jeung dipuja

Puncak Bogor

Angin ngahiliwir nebak pucuk daun
Nu ting arulang di Puncak Bogor
Hawa seger bersih linduh kebon enteh
Nu hejo ngemploh di Puncak Bogor
Urang turun ka landeuh
Silih cepeng panangan
Karaos pageuh
Di Puncak Bogor
Leumpang sareng pakalen
Geter asih sumanding
Ngentring hariring
Di Puncak Bogor
Di Puncak hate urang manteng
Di Bogor cinta urang ligar mekar
Mun jaga urang neang tempat eta
Mugia Puncak Bogor tetep lana

Wangsit Siliwangi

Baheula kacapangan
Jaman ngadeg galuh pakuan
Nu kamashur Pajajaran
Tempat payung kaadilan
Ayeuna dikondangan
Numpes nu mawa paesan
Nyukcruk galur cacandran
Siliwangi pupuhuna
Kapahlawanan
Juru bakti perjuangan
Lambang kajayaan
Tepung kana perjuangan
Kiwari geus gumelar
Putra ti Pajajaran anyar
Wawangina sumebar
Sajagat raya kawentar
Ampuh simpuh tur sabar
Ksatriaan binekar
Siliwangi ginanjar
Seungit nyambuang kamashur
Wangsit mitutur
Nepungkeun asma nu luhur
Wawanenna ka ukur
Numpes ka jalan takabur